BAUER компаниясы және БМК: Қазақстандағы дәстүрлі емес өндірістің жаңа перспективалары

Көпірлерді және қадалы бетон құрылыстарда салу саласындағы танымал көшбасшы – BAUER компаниясы жаңа деңгейді бағындыруда. Ол бүкіл әлем бойынша бірегей инфрақұрылымдық жобаларды құруды жалғастырып қана қоймай, сонымен қатар пайдалы қазбаларды өндірудің инновациялық әдістерін белсенді түрде дамытып жатыр. Өткен жылдан бастап компания ресурстарды дәстүрлі емес өндіру қызметтерін ұсына отырып, тау-кен өндіру саласында жұмыс істей бастады және бұл технология Қазақстанда қолданысқа еніп үлгерді. 

Кені тігінен орналасқан кен орындарын игеру үшін BAUER компаниясы пайдалы қазбаларды ауқымды жер жұмыстарынсыз өндіру мүмкіндіктерін ашатын инновациялық шешімді ұсынады. Технология тік арналарды құруға және хром, көмір, темір, алмас секілді материалдарды және басқа да қазбаларды өндіруге мүмкіндік береді. Мұндай шешім әсіресе дәстүрлі қазу әдістері және ауыр жүктасығыш техникамен жұмыс істеу қолайсыз әрі тиімсіз болып келетін күрделі учаскелерде аса пайдалы. 

Жақында Borusan Cat Қазақстан компаниясы және ERG Қазақстан алюминийі кәсіпорны боксит кен орнында бірлескен пилоттық жобаны іске қосты. Краснооктябрь боксит кенішінің аумағында орналасқан карьер стандартты игеру үшін күрделі болып келеді: мұндай жағдайларда экскаваторлар мен өзітүсіргіштердің жұмысы елеулі ресурстар мен шығындарды қажет етеді. Қазақстанда алғаш рет BAUER жабдықтарын пайдалана отырып дәстүрлі емес өндіру әдістемесі қолданылды. 

Екі апта бойы BAUER жабдықтары кен орнында сынақтан өтті және алдын ала нәтижелер жоғары экономикалық тиімділікті көрсетті. Алдын ала есептеулер бойынша, тіпті азғантай көлемдердің өзінде аталмыш технологияны қолданудың пайдасы шамамен 20-30% құрады. Бұл жоба бойынша қорытынды есеп және деректерге жүргізілген талдау алдағы айларда ұсынылмақ және қазірдің өзінде технология елдің өндіруші саласында жаңа тараудың жаршысына айналады деп айтуға болады. 

BAUER техникасы Cat® сенімді қозғалтқыштарымен жарақтандырылған, бұл жайт жоғары өнімділік пен қарқынды қолданысқа төзімділікті қамтамасыз етеді. BAUER және Borusan Cat Қазақстан арасындағы серіктестік 20 жылдан астам уақыт жалғасып келеді және осы уақыт ішінде біздің мамандар серіктес зауытында оқудан өтті. Мұндай іс-шаралар оларға Қазақстан аумағында BAUER қондырғыларына сапалы қызмет көрсетуге және жөндеуге мүмкіндік береді. Мұндай қадамдар қиын жағдайларда BAUER техникасына сенім артатын клиенттер үшін барынша жоғары жұмыс тиімділігі мен қолдауды қамтамасыз етеді. 

BAUER және Borusan Cat Қазақстан пайдалы қазбаларды өндірудің дәстүрлі емес әдісі пайдалы қазбаларды, әсіресе күрделі учаскелерде өндірудің тиімді әрі перспективалы тәсілі екеніне сенімді. ERG Қазақстан алюминийі кәсіпорнымен бірге жолға қойылған пилоттық жоба аталмыш технологияны қолданудың маңызды мүмкіндіктерін паш етіп, осы бағыттағы ынтымақтастықты одан әрі кеңейту қажеттілігін көрсетуде.